Triveni..
boolte sannate- [6-22-06]
har shaam tumhari aas me diye jalaye beithte hai...
aur shannaton ke saath ghanto sukh-dukh baat-te hai..
aaj hume tasalli dene ko,sannata hi bol pada!
mohabbat- [6-22-06]
tumse mohabbat jo huyi,zindegi sawar si gayi..
dekhe the jo sapne maine,saare khil si gayi..
zinda to thi mai pehle bhi,par mehsoos abb hone lagi!
Kuch- [6-25-06]
kuch nahi main tere bina..
sab kuch main khudke bina..
jab tu nahi hua karta tha,tab main kya thi?
Shakl- [6-25-06]
shakl se nahi tere,
na tere naam se janaam..
tere khud hone ke ehsaas pe mar mite hain hum!...
Naam- [6-26-06]
aaj kisine ek shabd kaha..
dil dhadak utha,tere naam sunkar!
tujhe milne pe jo haal hoga,vo sochkar be-qaabu hai hum...
Sajda- [6-26-06]
khuda ko kabhi dekha nahi humne..
na kabhi unse milne ki tamanna huyi..
mere har sajde pe tera naam hai,chahe 'vo' khuda ruth jaye!...
Dushmani- [6-26-06]
nafrat,dushmani kya cheez hai,pata na tha..
tujhse milke eisa laga,sadiyon se tu mera hi tha..
abb har vo nazar jo tujhe dekhe,dushman hi lagta hai mujhe!
Reshe- [6-27-06]
vo jo saat rang ke reshe hai khule aasmaan me..
har ek rang kisi ek mod sa dikhta hai mujhe..
chal to padi hoon 'laal' reshe par,tum haath thame rehna jaanam...
Bheed- [6-28-06]
din bitane har roz ek bheed se gujarti hu,
roz usi bheed me kuch hum-bazm milte hai..
jiski taalaash mujhe thi,vo unko bhi hai!..
Aukaat- [6-29-06]
uljha hoon eisi bhawar mein ke kya karu..
dua,dawa,daulat,jaan kya nisaar karu...
kaash ki mujhe auqaat hota tujhe bachane ki..
Haar-jeet- [7-1-06]
har ek pal dooniya se ladke,tumhe jeet-ti hoon main..
har dusre pal khudse haarke,tumhe jeet-ti hoon main!..
dil haara maine to jana,taqdeer ki har jeet tumse hain jaanam!...
Rishta- [7-2-06]
suna hain,dost ke dost bhi dost hai!
to phir kisse rishta na bana aapna..?
issiliye to,'duniya' gol hai bhaiya!
Be-sabri - [7-3-06]
unse milne ki be-sabri ne,sabr seekha diya..
jab mile,to ankahi na-samjhi ne maar giraya..
iss sabr,na-sabri ke uljhan ne khudko bhoola dia...
Fiqr & Libaas - [7-5-06]
dosti ke libaas pehne fiqr kiya kiye jo,
dushman ke libaas pe ussi fiqr ko mitaya...
insaani fitrat kahe ya aadat,sabr muqaam hai apna!...
Chehra - [7-8-06]
waqt ki tarha har ek chehra roz badalte dekha..
zindegi ko firse roz naye raaste dhoondte dekha..
jee chuke itna,ke abb mout se milne ki tamanna hai..
Rasm - [7-8-06]
mazhab ke naam pe banaye 'rasm' toda kiye,
har ek roz unse be-inteha pyaar kiya kiye..
vo dharam hi kya,ishq jisme haraam ho!...
Dukaan - [7-9-06]
ek ek karke har cheezein jamaa karte gaye..
thoda mile,to aur paane ki koshish karte rahe..
saamaan ab itna hua,ke dukaan bechna pada!....
Hosh - [7-9-06]
hosh samhala jabse,khudko jana tabse..
hosh nahi tabse,tumko jana jabse...
kayi saalo ki mehnat,ek muskurahat ne chura li!
Yaqeen - [7-10-06]
tujhse mili,"'qismat' hota hain",yaqeen hui..
ab kudpe jitna yaqeen nahi,tujhpe utna hi!
mohobbat ka saat rang,tujhpe nisaar janam..
Gali-yaan - [7-10-06]
kabhi kathin,kabhi sidha,kabhi ucha,kabhi nicha..
girna fir samhalna,samhalte samhalte firse girna...
manzil to ek hai,galiyaan hazaar.......
Pal - [7-11-06]
zindegi ki har ek pal eise keemti hai,
jeise ki,gareeb maajhi ka ek lauta naw...
ji bhar jiyo yaro,maut ikhtila karke nahi aati!
Shama - [7-11-06]
ek boond shama mil jaye,to ghar jala de!..
chan shikke mile,to kuch nafrat kharid le...
unki pyaas to,khoon se bhi nahi boojhti!..
Aaj - [7-11-06]
aaj ik masoom maa ki god phirse sooni huyi,
kal na jane,kis pita ko bete ki arthi uthani pade..
khuda jaane,unki pyaas kab meetegi.......
[7-15-06]
bade pyaar se sajaya gaya hai iss shaam ko..
kabse tareefon ki baarish ho rahi hai mujhpe..
shayad,'aaj' meri jaroorat firse padi hogi!...
Yaad - [7-15-06]
yaad aati hai vo jhula,jisme leheraati thi narm hawa...
yaad aati hai vo nadi,baha karti thi jo har rom se meri...
kaash 'is jawani se uss bachpan me' adal-badal hota!..
Sunaai - [7-16-06]
log kehte hai,jo sunaai de vohi baat hai!..
kya kahe,mujhe to bina sune,sunne ki aadat hai..
band lafze teri kehti hai baat mere dil se jaanam..
Guftagoo - [7-16-06]
aankhein teri jab karti hai guftagoo meri labo se..
lab teri padhti hai afsaana tab meri aankhon se!..
mera tujhme,tera mujhme jo hai chupa,use bhed hi rehne de!
Khaamosh - [7-16-06]
khamoosh jab jubaan
aazurdah tab duniyaa..
sehti sadaa dhadkanein!
Meri - [7-17-06]
uski khushi
meri zindagi
sabka hasad!..
Khwaab - [7-17-06]
jo khwaab dekha karti thi main har raat,
tu mila,to vo khwaab hakikat ban gayi...
abb khwaab dekhna nahi,sajaana hai!
Kyun ki - [7-18-06]
pyaar tujhe hai,mujhe bhi jab,to duniya zaalim kyu ho?..
khush tu hai,main bhi jab,to duniya khafaa kyun ho?...
shayad kyun ki,unmein himmat nahi saccha pyaar karne ki!
Zeher - [7-18-06]
har roz ek nayi aag mein jalti hain dooniya,
insaan khush hota hai aapne hi bhai ko maar kar!..
na jaane iiye 'zeher' banaya kisne tha!!...
Aaj - [7-18-06]
'kal',aakar gaya..
'aaj',aakar jayegi..
kabhi to rukega ye aane-jaane ka silsila...
Nam - [7-19-06]
din bhar duniya ki uljhano me ulajhti rahi,raat huyi,sone chali..
na-jaane kab teri yaadon ne dastak di,'sona tha' kabka bhool gayi..
kal saari raat aankhein nam rahi,aaj bhi,kal phirse yehi hoga....
Zinda - [7-19-06]
zinda hoon,tere liye..
marti rooz,tere liye..
ekhteyaar karu to,kiska..?
Muskuraahat - [7-19-06]
muskuraahat teri..
har ek ghum meri..
jeena-marna tujhpe nisaar..
Zindagi - [7-19-06]
jeena-marna,hasna-rona,jaagna-sona...
har vo pal,tujhe yaad karke beetana...
pyaar ka naam 'zindagi' rakkha hai maine!..
Raat - [7-20-06]
har subha yehi sochke jaagti hoon,ke raat hogi..
har raat yehi sochke soti hoon,phir subha hogi...
yakeen hai mujhe,koi shaam tere bahoon me jaroor beetegi!..
Taareekh - [7-20-06]
har din eise guzarta hai,jeise waqt thak gaya ho...
har raat eise guzarti hai,jeise shab khud so gaya ho..
milan ki taarikh jab aaye,waqt wahin tham jaye!..
Bhatak - [7-21-06]
bhatak rahi thi yahan-wahan...
khushi ki talaash me mai sada..
mutthi me hi band tha zannat mera!..
Shaks - [7-22-06]
har ek shakhs masaroof hai uss maqsad ke peeche,
jahaan 'paisa' hai har mukaam ka ek lauta taaj!..
paise se pyaar,ya pyaar se paisa kharidna hai unko?..
Rahat - [7-23-06]
sochti rahi,roti rahi..
karwatein badalti rahi..
raat beet gayi,rahat na mila...
Chaand - [7-24-06]
khamosh raat,aankhein nam..
yaadein hazaar,kaanpte lab..
hasb-e-mamool roshan chaand!..
Khwab - [7-25-06]
chherti kabhi khwab,hamesha rulati khwab..
bikharti iiye khwab,to kabhi sawarti khwab..
peysh aati hain iiye,gustaakh pia ki tarha!..
Khata - [7-26-06]
khata kiski
sazaa kisko
bhukte dil..
Khamosh - [7-26-06]
khamosh tum
khamosh hum
toot te rishte..
Tootna [toot ta..] - [7-26-06]
har agle din toot ta hain kamzoor dil
tukre na jaane kitne huye bichare ke...
toota ya juda,zindegi ab isi pe munhasir..
Bewajah - [7-26-06]
pyaar tumko bhi
pyaar humko bhi
hujjat bewajah!..
Panah - [7-28-06]
ek boond panah agar mil jaye uss dhadkan mein..
zinda rehne ke liye jism ki na jarurat pade mujhe..
tere dil-se-lab-tak ki har saans hogi meri haaziri!..
Khatta - [7-30-06]
teekha waar
khatti churi
kaatil meetha!
Sazaa - [7-30-06]
bechain dhadkan hain,tanha kyun rahe..
ishq jawaan hain jab,gawara kyun kare..
dil bichare ko,pyaar karne ka saza kyu de?..
Sharam - [8-04-06]
jhoot ko sach aur sach ko jhoot banana pada
pyaar me,apni maa ko bewakoof banana pada!
ishq me jaayaz sab hain,to sharam kis baat ki!..
[rather take this triveni as a funny way....]
Farak - [8-05-06]
farak kuch khaas to kiya hoga banane wale ne..
hazaar sunaane wale,aur iss ek sunne wale me..
dil thaamke beithe hai saw magar,fida ye aap pe!..
Gulaab ka rang - [8-06-06]
dekhe hain kayi rang ke gulaab,apne baagiche me humne..
har rang laati hain kuch paigaam,sikhati zindagi ki kahani..
gulaab ka rang chahe laal ho ya kaala,kehlayega gulaab hi!
[take 'har rang gulaab ka' as 'different lessons of life'...]
Hosla - [8-10-06]
kismat ki lakiron ko dosh de,ke fiki shaamon ko..
har aati-jati saans,bas sazaa hi to hain tere bina..
kal,kal,kal..ab 'kal' hi hain jeena ka hosla mera!..
Mohalat - [8-11-06]
bin chhahe hi milta use aur hain,jiske paas kaafi hain!..
saans lene ka hi shukria ada kar leta hai bhuuka faqiir..
mohalat sabko chaar din ka par,raasta kyu alag jeene ka?..
Main - [8-11-06]
wajood mera khud nahi
wajood mera bass tu!..
tu ya main,ya bass hum!
Mai - [8-11-06]
tu..
mai..
hum!
Mulk - [8-13-06]
dharti deti maa ki mamta,hawaoon mein aazaadi..
neela gagan chhaon mera,behta nadi hain saathi..
mulk teri pyaar sikhati,to meri seekhati hai yaari!..
[means...jeisa desh hai tera,weisa desh hai mera!...]
Aansoo - [8-14-06]
khushiya saari tujhpe qurbaan,aansoo meri, dil tera ho,par dard meri..
har phool choome hont teri,kaante meri, raasta tujhe,galiyaan meri..
ghum kis baat ki,jab teri har jhalak ek zindagi deti hai is jism ko meri!
Antar - [8-19-06]
cheezon se banti ghar agar,dukaanein bhi ghar kehlaati,
antar dono mein itna hota ki,ghar ek aur dukaanein kayi!
ghar banegi hum dono se,cheezon se nahi,bas pyaar se!
Jheel - [9-28-06]
muskurati kabhi sharmati,gungunati kabhi main..
jheel sa chamakta moti,tera likkha har lafz hain..
har shaam ko naye rang se sazaata hain khat tera!..
Maasoom - [9-30-06]
haantho me rakkhe haath,vo saath jeene marne ke waade..
maasoom si hasi,teekha gussa,mujhe chhedti vo aankhein..
ya to raat khud so gaya,ya yaadein mujhe sone nahi deti....
Pari - [10-2-06]
jana-pehchana vo chehra,firse dekha hoga dil ne shayad..
kal raat neend se jaag uthi,unjani baatein aane lagi yaad!
khel khel mein,jadoo ki chari ghuma rahi thi pari shayad!..
Janazaa - [10-4-06]
ye aankhe barsayegi pyaar teri,iss dil ki zuba me naam ho bas teri..
haath uthegi to dua tujhe,ye jism raakh ban jaye intezaar mein teri..
gar juda ho jaye kabhi, to janazaa meri haseen hogi baarat se teri!..
posted by lil rain drop at 8:30 AM
0 comments
